Gjermania s’di të fitojë/ Italia mposht Anglinë, Spanja zbret në fushë ndaj Zvicrës

Hungaria ka mposhtur Gjermaninë në Ligën e Kombeve, duke fituar kështu dhe përballjen e dytë ndaj pancerave.

Adam Szalai ishte autori i golit të vetëm, në suksesin e radhës për hungarezët të cilët qëndrojnë në krye të grupit me 10 pikë. Në po të njëjtin grup, Italia e Roberto Mancinit fitoi ndaj Anglisë në shtëpi teksa mjaftoi një gol i Raspadorit në pjesën e dytë.

Edin Dzeko kontriboi me një assist në triumfin e Bosnjes ndaj Malit të Zi, ndërsa ndeshja mes Filandës dhe Rumanisë u nda në barazim. Liga e Kombeve vijon dhe mbrëmjen e së shtunës me disa përballje interesante. Çekia përballet me Portugalinë, ndërsa iberikët e Luiz Enrikes vendosen përballë Zvicrës. Helvetët janë të fundit në grup me 3 humbje dhe vetëm 1 fitore.

Kosova e drejtuar nga Alan Gires ka udhëtuar drejt Belfastit ku do të ndeshen me Irlandën e Veriut, ndërkohë që në krye të tabelës së klasifikimit qëndron Greqia e cila ka një sfidë të lehtë ndaj Qipros.

Norvegjia e udhëhequr nga Erling Haaland do të kërkojë fitoren ndaj Sllovenisë për të konfirmuar kreun e tabelës.

Ndërkohë interesantë është dhe Serbi-Suedi, me vendësit të cilët triumfuan herën e parë me rezultatin 0-1.

LEXONI GJITHASHTU: 

• Kombëtarja zbret në fushë, Reja: Kjo është finale, s’ka alternativë veç fitores
• Ndeshja Shqipëri-Izrael, Reja ndryshon skemën para “finales” (Formacionet zyrtare)