Gjimnazistet e “Mehmet Akif” në lot: Nuk e mendoj shkollën shtetërore

Gazetarja e Euronews Albania, Ortensa Budlla, ishte e pranishme në protestën e organizuar nga nxënësit e shkollës “Mehmet Akif” përballë ministrisë së Arsimit.

Me pankarta në duar, certifikata dhe kupa të fituara nga gjimnazistët, ata bërtisnin emrin e shkollës duke kundërshtuar vendimin e qeverisë për mbylljen e institucionit.

Njëra nga nxënëset tha se nuk e ka menduar të shkojë në një shkollë tjetër, sepse që prej fillimit ka zgjedhur gjimnazin “Mehmet Akif”. Sipas saj, kushtet në shkollat shtetërore nuk e përmbushin “standardin europian” të mësimit që, siç thotë nxënësja, zhvillohet në shkollën e saj.

Një tjetër gjimnaziste me një kupë në dorë u përlot teksa tha se ka punuar që e vogël për të ardhur në këtë shkollë dhe tashmë nuk e di se çfarë do të ndodhë me të.

Nxënësit shprehen se janë tronditur pasi kanë marrë lajmin dhe ende nuk është marrë asnjë një vendim. Zgjidhja për momentin është protesta.

LEXONI GJITHASHTU:

• Protestë| Mbyllet “Mehmet Akif”, gjimnazistët kundërshtojnë vendimin e qeverisë
• Gazetari për mbylljen e “Mehmet Akif”: Çështja do të kalojë në arbitrazh
• Mbyllja e kolegjit turk, Mehmeti: Qeveria të tërhiqet, do paguajmë si te Becchetti