Ndryshon ligji i pronave, 7000 dosje do vlerësohen për 3 vjet

Qeveria ka shtyrë me 3 vite afatin për vlerësimin e dosjeve të pronave. Rishikimi bazohet tek kërkesat e Gjykatës së Straburgut, e cila kërkon rishikim të vlerës së kompensimit dhe shqyrtimin e 7000 dosjeve të patrajtuara.

7000 dosje do të vlerësohen nga Agjencia e Trajtimit të Pronave deri në 31 dhjetor 2024. Afati për këto dosje po shtyhet, duke u bazuar në kërkesën e Gjykatës së Strasburgut për përmbushjen e kompensimit të pronarëve.

Ligji i vitit 2015, po rishikohet sërish në kuvend dhe në thelb të ndryshimit do të jetë edhe formula e kompensimit.

Çmimi i tokës së ish-pronarit do të jetë zëri kadastral në momentin e sekuestrimit nga regjimi komunist duke i shtuar dhe indeksin sipas normës së interesit të bankës së Shqipërisë. Kështu pavarësisht se sot toka është truall, nëse në momentin që është marrë nga shteti ka qenë bujqësore, vlerësimi do të mbështetet tek statusi i mëhershëm.

E për këtë ATP do të bëjë shumëzimin e metrave katrorë me vlerën e hartës së çmimeve për çdo zonë.

Në çdo rast nëse kompensimi ka qenë më i lartë nga sa subjekti përfiton aktualisht, shteti do ti japë mundësinë të marrë 10 për qind të shumës për sipërfaqen e pretenduar.

Lidhur me metodën e kompesnimit, qeveria parashikon se së pari do të jetë kompensimi fizik e më tej format e tjera duke përfunduar me atë monetar.

LEXONI GJITHASHTU:

• Në 2020, Shqipëria e fundit në rajon për vlerën e pronave të bllokuara
• Vijon aksioni për ndërtimet pa leje? Manastirliu përgjigjet për Euronews Albania
• Alibeaj takohet me ambasadorin britanik, çfarë diskutuan