Financat në lupën e FMN-së, misioni i përvitshëm mbërrin në Tiranë

Misioni i përvitshëm analizues i treguesve fiskalë, monetarë dhe ekonomikë i Fondit Monetar Ndërkombëtar ka mbërritur këtë të martë në Tiranë.

Delegacioni drejtohet nga ekspertja e institucionit, Jan Sun. Vizita nisi me një takim me ministren e Financave, Delina Ibrahimaj. Ibrahimaj tha se ka nisur puna për hartimin e buxhetit t% ri dhe për kuadrin makro-fiskal afatmesëm.

Misioni i përvitshëm i FMN do të analizojë mes të tjerave politikat e taksave dhe ato buxhetore të qeverisë dhe në fund do të dalë me rekomandimet përkatëse.

Përfaqësuesit e FMN do të qëndrojnë deri më 10 tetor në Tiranë. Takime do të ketë me përfaqësues të qeverisë, guvernatorin e Bankës së Shqipërisë, Gent Sejko dhe drejtues të institucioneve të tjera në vend.

Në fund të misionit është parashikuar një konferencë e përbashkët për shtyp.

LEXONI GJITHASHTU:

• Ekonomia globale në rënie, FMN ngre shqetësimin: Po shtrenjtohen kostot e jetesës
• FMN: Tre ekonomitë e mëdha kanë ngecur, situata është e zymtë