Mbi 1500 euro metri katror, 3 zonat më të shtrenjta në Tiranë

Çmimi mesatar i një metri katror në 2021 në Tiranë ishte 1100 deri në 1200 euro. Aktualisht, ky çmim shkon më shumë se 1550 euro. Por, rritja nuk ka qenë e njëtrajtshme në të gjitha zonat e kryeqytetit.

Nga vëzhgimi dhe analizimi i çmimeve të ofruara në treg nga agjencitë e pasurive të patundshme dhe individë, çmimet janë rritur më shumë në tre zona: Rrugën e Elbasanit, përreth Liqenit Artificial dhe në zonën e Kopshtit Botanik.

Në këto zona, në varësi të apartamentit, qasjes së tij në infrastrukturë dhe vitin e ndërtimit, çmimet shkojnë deri në 3 mijë euro për metër katror, nga 1500 deri në 2000 euro që shiteshin vitin e kaluar.

Rritje me mesatarisht 30 për qind raportohen në zonat më pak të lakmuara, si Astiri dhe Fresku. Çmimi mesatar në këto dy zona ka kërcyer nga 550-650 euro për metër që ishte vitin e kaluar në 900-1000 euro për këtë vit.

Çmimet janë dyfishuar në zonat periferike të Tiranës në dekadën e fundit, ndërsa janë rritur deri në tre herë më shumë në zonën e qendrës, ish-Bllokut, përreth Liqenit dhe te Rruga e Elbasanit.

LEXONI GJITHASHTU:

• Ndërtimet pa leje u shtuan me 10% në vitin 2021, raporti i prokurorisë
• Erebara: Të varfërit futen në burg për kasolle, e të pasurit ndërtojnë në Tiranë
• “Qeveria vepron politikisht e jo ekonomikisht”, gazetari për pagat dhe energjinë