Hakerat iranianë publikojnë të dhënat e punonjësve të Policisë së Shtetit

Homeland Justice vijon me publikimin e listave te tjera, ku këtë herë mësa duket në shënjestër të hakerave iranianë janë punonjës të Policisë së Shtetit.

Burime për Euronews Albania, bëjnë me dije se janë publikuar 4 lista me nga 300 emra, foto dhe të dhëna personale që i përkasin personave që kanë qenë ose janë pjesë e policisë së shtetit.

“Mbase këta këtu janë objektivat e radhës”, me këtë titull janë publikuar sot të dhënat e Homeland Justice, në platformën e komunikimit Telegram.

Vetëm 6 ditë më parë 1.7 giga byte material sensitiv u publikua nga hakerat e ashtëquajtur “Homeland Justice” në platformën e komunikimit Telegram.

Albanian Suspects apo shqiptarët e dyshuar titulloheshin listat e publikuara nga hakerat Iranian.

Bëhej fjalë për 49 lista të gjata ku pasqyrohet identiteti i personave, numri ID, mosha, vendlindja dhe foto e tyre e sistemit TIMS. Megjithatë nuk jepeshin detaje të tjera se për çfarë janë të dyshuar personat por dyshohej se materialet i përkasin sistemit MEMEX që administrohet nga Policia e Shtetit.

Në një reagim policia e shtetit mohoi që të dhënat të jenë nga sistemi MEMEX duke insistuar që nuk janë prekur apo dëmtuar të dhëna sensitive që administrohen e kanë të bëjnë me punën policore.

LEXONI GJITHASHTU: 

• Policia: S’është prekur MEMEX, të dhënat e publikuara s’kanë lidhje me databazën
• Hakerat godasin sistemin Memex, Kikia: Cënim i sigurisë, dëm shumë i madh