Amnistia fiskale, Erebara: Qeveria po përpiqet të fitojë betejën me propagandë

Gazetari Gjergj Erebara, është shprehur se të gjithë faktorët ndërkombëtarë, janë kundër amnistisë fiskale dhe sipas tij nuk është e lehtë për qeverinë që ta çojë në Kuvend një draft të tillë.

Në një intervistë për Euronews Albania, Erebara shtoi se qeveria po këmbëngul në mënyrë propagandistike që të bëjë amnistinë fiskale, por që deri më tani nuk ka marrë asnjë hap konkret.

“Qeveria po këmbëngul në mënyrë propagandistike që do ta bëjë, por nuk ka marrë hapa. Diskutimi për amnistinë fiskale nisi në qershor, konsultimi është mbyllur me 7 korrik , normalisht që qeveria do ta kishte çuar draftin në parlament por deri më sot se ka çuar. Nuk pres që qeveria do ta çojë.

I gjithë faktori ndërkombëtar është kundër kësaj, përfshirë ambasadoren amerikane, FMN, kështu nuk është e lehtë për qeverinë të dalë kundër të gjithëve. Qeveria po përpiqet të fitojë  betejën propagandistike duke këmbëngulur që do ta bëjë, por duket se është tërhequr dhe nuk do ta të bëjë.”- theksoi Erebara.

LEXONI GJITHASHTU: 

• Inflacioni shtrenjton kredinë, efekt te huatë me probleme
• Vritet me armë 17-vjeçari në Klos, plagoset babai dhe një tjetër person