Vllaznia ‘nxjerr’ nga loja Flamurtarin, Josa: Kemi ende probleme

Vllaznia ka mposhtur në shtesë Flamurtarin në ndeshjen e kthimit të vlefshme për Kupën e Shqipërisë. Shkodranët zhvilluan një paraqitje të mirë, ndikuar dhe nga lojtarët me eksperiencë të ekipit.

Kjo fitore e kënaq trajnerin Mirel Josa, por ndërkohë nuk i zgjidh problemet e ekipit.

“Nuk do të thotë që  u kualifikua skuadra sot dhe shuhen të gjitha problemet që kemi. Jam i kënaqur me mënyrën se si lojtarët luajtën.”- u shpreh Josa.

Në anën tjetër, braziliani Troisi që drejton vlonjatët vlerëson eksperiencën tek kundështarët.

“Nuk është se ne nuk krijuam, madje shpërdoruam mundësi në të dyja pjesët. Po ashtu dhe gjyqtari gaboi, por tashmë gjithçka mbaroi. Një pjesë e lojtarëve janë pa eksperiencë, madje penalizohemi dhe nga dëmtimet. Sytë tani I kemi drejt kampionatit, ndërkohë I urojmë suksese Vllaznisë.

Shkodranët do të vijojnë rrugëtimin e tyre në kompeticion, teksa do të përballen me Bylisin në ndeshjen e radhës.

LEXONI GJITHASHTU: 

• Gazetari tregon sulmin në bankën e nivelit të dytë: Bëheshin transaksione të MEK
• Qeveria ‘harron’ listën, ndërtimet pa leje humbasin korridoreve të IKMT