Nutricionistja: Si ta dalloni vezën e freskët

Veza është një nga produktet ushqimore që nuk mungon në asnjë shtëpi.

Por cilësia është ajo që duhet të kemi parasysh në mënyrë që të ushqehemi në mënyrë të shëndetshme dhe të mos rrezikojmë shëndetin tonë.

Nutricionistja, Diola Dosti, ka treguar në emisionin “Good Morning Albanians” në Euronews Albania, një nga mënyrat se si të dallojmë nëse një vezë është apo jo e freskët.

Dosti u shpreh se nëse vendosim një vezë me gotë me ujë dhe qëndron poshtë, do të thotë se është më e freskët.

“Sigurisht, përpara duhet të shohim datën e skadencës kur konsumojmë vezën. Por është një eksperiment për të parë nëse veza është e freskët ose jo. Nëse veza zhytet në fund të gotës, do të thotë se veza është më e freskët. Ndërkohë, veza për shkak të procesit të dekompozimit, bëhet e lehtë dhe pluskon në sipërfaqe”, theksoi ajo.

LEXONI GJITHASHTU

• Në shtator u shtrenjtuan veshjet e qiratë, ushqimet njësoj si në gusht
• Ushqimi natën ju bën më të uritur dhe rrit rrezikun e obezitetit, zbulon studimi
• Shqipëria me çmimet më të ulëta të ushqimeve në rajon