Detajet e miqësores mes Shqipërisë dhe Arabisë Saudite

Kombëtarja e Shqipërisë do t’i rikthehet aksionit në fund të tetorit, ku do të përballet me Arabinë Saudite.

Miqësorja do të zhvillohet më datën 26, ku kuqezinjtë udhëtojnë drejt Abu Dabit për ta zhvilluar ndeshjen me Arabinë Saudite në stadiumin “Al Nahyan”, shkruan KosovaPress.

Kjo do të jetë miqësorja dhe njëkohësisht ndeshja e parë mes këtyre dy kombëtareve, e cila fillon në orën 18:30 sipas kohës lokale.

Federata Shqiptare e Futbollit (FSHF) ka bërë të ditur se do të grumbullohen 23 lojtarë, ku pjesa më e madhe e tyre do të përzgjidhen nga klubet e kampionatit shqiptar.

Lista e lojtarëve që do të grumbullohen për miqësoren kundër Arabisë Saudite do të publikohet nga FSHF më datën 20 tetor.

LEXONI GJITHASHTU:

• Teuta kërkon fitoren e parë, durrsakët duan të lënë pas krizën
• Sivasspor feston në ‘Fadil Vokrri’, skuadra turke mposht Ballkanin