Musk gjunjëzon BE-në, unioni plan për të paguar shërbimin e internetit për Ukrainën

Vendet e BE-së po diskutojnë nëse të kontribuojnë për t’u siguruar që qytetarët ukrainas të kenë akses në shërbimet e internetit, që aktualisht paguhen nga bosi i “Tesla-s”, Elon Musk.

Ministri i Jashtëm i Lituanisë bëri të ditur planet në një intervistë për “Politico”, ku megjithatë nënvizoi se gjithçka është në fazën fillestare.

Propozimi vjen pas paralajmërimeve të bëra nga Musk në Twitter se kompania e tij “Space X” nuk mund të vazhdojë të paguajë pafundësisht internetin për ukrainasit, duke sugjeruar që për të të paguajnë qeveria amerikane dhe Brukseli.

Sidoqoftë, më vonë njeriu më i pasur në botë tërhoqi paralajmërimin e tij dhe deklaroi se do të vazhdonte financimin e shërbimeve.

Por propozimi i tij ngjalli frikë dhe shqetësim për vazhdimin e aksesit të Ukrainës në sistemin e telekomunikacioneve.

Vetë Bashkimi Evropian, përmes Përfaqësuesit të Lartë Josep Borrell bëri të ditur se po mendon të fusë dorën në xhep.

Për Brukselin, aksesi në internet i Ukrainasve nuk mund të lihet në duart e një personi të vetëm që mund të ndërrojë mendje nga momenti në moment.

LEXONI GJITHASHTU

• Musk i ndërpret internetin Ukrainës, kërkon financime për satelitët
• Elon Musk ‘hakmerret’ ndaj Ukrainës: ‘Nuk ju mbështes dot më’
• ‘Ja zgjidhja për Tajvanin’, Elon Musk vijon me këshillat për politikën ndërkombëtare