Erdogan pranon ofertën e Putin: I gatshëm të ndërtoj një qendër gazi në Turqi

Presidenti Erdogan mbështet idenë e homologut rus Putin për të ndërtuar një qendër gazi në Turqi.

Një ide të tillë shefi i Kremlinit e propozoi pak ditë më parë.

Sipas tij, çështja bazohet në mundësinë e ndërtimit të një sistemi tjetër gazsjellësi dhe krijimit të një qendre në Turqi e cila do të furnizojë vendet e treta, para së gjithash vendet evropiane, nëse ato janë të interesuara.

“Në takimin e fundit, ne ramë dakord me Putin. Dhe ne do të krijojmë një qendër shpërndarjeje te gazit  që vjen nga Rusia. Ai ja shpjegoi botës me fjalët e tij duke theksuar se Europa mund të furnizohet me gaz natyral nga Turqia”, u shpreh Erdogan.

Sipas liderit turk, qendra planifikohet të ndërtohet sa më shpejt. Vendi më i përshtatshëm është rajoni i Trakës në pjesën europiane të Turqisë, ku shtrihet një degë e gazsjellësit ‘Turkish strem’.

Kreu i Gazprom, Alexei Miller nuk përjashtoi mundësinë që të gjitha vëllimet e humbura të transferohen në qendrën turke, sasi e dërguar më parë në Evropë përmes tubacioneve të sistemit Nord Stream.

Në të njëjtën kohë, vëzhguesit vërejnë se problemi kryesor me këtë projekt është mungesa e garancisë për pjesëmarrjen e blerësve evropianë pasi refuzojnë gazin rus. Më herët Ankaraja dhe Stambolli u vizituan nga Ndihmës Sekretarja e Thesarit të SHBA-së, Elizabeth Rosenberg.

Delegacioni amerikan ka diskutuar me homologët turq respektimin e sanksioneve kundër Rusisë, duke synuar të bindë Ankaranë që të mbajë një qëndrim më të ashpër kundër Moskës.

LEXONI GJITHASHTU:

• Erdogan fillon zbatimin e marrëveshjes me Putinin për qendrën e gazit
• Shefi britanik i mbrojtjes: Retorika bërthamore e Putinit, e papërgjegjshme