Itali, Mattarella takon krerët e Parlamentit, të premten radha e Melonit

Presidenti i Italisë, Sergio Mattarella u takua të enjten me liderët politikë, teksa bisedimet post-elektorale për formimin e qeverisë vazhdojnë.

Sipas protokollit, bisedimet filluan me presidentin e ri të Senatit, Ignazio La Russa. Partia e tij, Vëllezërit e Italisë, që fitoi më shumë vende në Parlament në zgjedhjet e shtatorit, do të dominojë koalicionin e djathtë që pritet të marrë frenat e pushtetit në ditët e ardhshme, pasi konsultimet zyrtare me presidentin të kenë përfunduar.

Takimi u pasua nga ai me kryetarin e dhomës së ulët të Parlamentit, Lorenzo Fontana, një figurë kyçe në partinë anti-emigracion të Ligës, e drejtuar nga Matteo Salvini. Ajo humbi terren në zgjedhje, por do të jetë pjesë e qeverisë, ku përfshihet edhe Forza Italia e Berlusconit.

Por të gjithë sytë janë kthyer nga Giorgia Meloni, që do të takohet me Mattarella-n të premten, para se të konfirmohet kryeministre.

Ajo udhëhoqi Vëllezërit e Italisë drejt fitores, por do të përballet me sfidën për mbajtjen të bashkuar të koalicionit, ku janë vënë re disa fërkime.

LEXONI GJITHASHTU: 

• Presidentja amerikane në krye të BE-së: Paradoksi i Ursula von der Leyen
• Teuta kërkon një tjetër 3-pikësh, durrsakët presin në shtëpi Partizanin
• Berisha: Rama vërsulet si bandit kundër Shehajt, i mbyll biznesin pa asnjë provë