140 mln euro për rrugët, Unaza e jashtme e Tiranës i vetmi projekt i ri në 2023

Unaza e jashtme të Tiranës është e vetmja rrugë e re që pritet të nisë ndërtimin nga viti i ardhshëm.

Rruga 22 km e gjatë që lidh Kasharin, Vaqarrin dhe Mulletin do kushtojë 110 milionë euro me paratë që do të financohen nga BERZH. Ky i fundit do të japë edhe 50 mln euro të tjera për rehabilitimin e urave të amortizuara ndër vite.

Në buxhetin 2023, të gjitha rrugët e tjera me financim të jashtëm dhe të brendshëm, janë ato që kanë nisur në vite dhe shumica e tyre do të përfundojë në 2024, 2025.

Disa prej tyre, janë Unaza e Tiranës, Rruga Korcë-Ersekë, Rruga Qukës-Qafë-Pllocë, Tuneli i Llogarasë dhe Kardhiq-Delvinë. Për këto dhe të tjerat që financohen nga qeveria, nga buxheti i Ministrisë së Infrastrukturës pritet të dalin rreth 100 milionë euro.

Ndërkohë, për vitin në vazhdim, janë të hapura edhe 4 kontrata koncesionare për, ndërtimin e Rrugës së Arbrit, Rrugës Milot – Morinë”, Orikum – Dukat- Porti i Jahteve dhe Ndërtimin e Rrugës Milot – Balldren.

Fondi vjetor i qeverisë për të gjitha këto kontrata llogritet 40 milionë euro.

LEXONI GJITHASHTU

• 1 mld euro PPP të reja, pjesa dërrmuese për ndërtimin e Kashar-Fier
• Banka Botërore kritika qeverisë për PPP-të
• Rritet paga mesatare, a mjafton 5.8% rritje për të përballuar inflacionin?