Rikthehet kombëtarja U-21, Alban Bushi: Kemi lojtarë cilësorë, optimist për të ardhmen

Kombëtarja U-21 luan dy ndeshjes e radhës kualifikuese për kampionatin evropian të viti 2021 përballë Austrisë dhe Andorrës.

Trajneri Alban Bushi u duk mjaft i kënaqur me lojtarët që ka në depoziton dhe u duk optimist se e ardhmja premton shumë. Megjithatë edhe këtë vit kualifikimi duket disi larg për kuqezinjtë

 “Këtë sezon kemi objektiv vendin e tretë. Kemi dy ndeshje tani me Austrinë dhe Andorrën por gjithsesi Austria është më e rëndësishme pasi kanë një ekip shumë të fortë. Jam shumë i bindur që do bëjmë një lojë të mirë dhe do marr një rezultat pozitiv”, tha ai.

Një risi në listën e Bushit ishin edhe lojtarët e shumtë që vijnë nga kampionati shqiptar. Për trajnerin kjo është një shenje mjaft pozitive që tregon për një rritje të nivelit të superiores.

“Jam i gëzuar që kemi lojtarë nga Superliga. Kjo na jep një motiv akoma më të madh. Deri sa kemi këto rezultate pozitive në Evropë duke u përballuar me kundërshtarë më të fortë se  në letër, ne jemi shumë optimistë për të ardhmen e Shqipërisë”, shtoi ai.

Kombëtarja U-21 luan ndeshjen e parë kundër Austrisë në datën 4 shtator ndërsa 4 ditë më vonë përballet me Andorrën.