Bjellorusia nuk ka ndërmend të luftojë me asnjë shtet, thotë Lukashenko

“Bjellorusia nuk planifikon të shkojë në luftë me askënd, vendi nuk ka nevojë për luftë.”

Kështu u shpreh presidenti bjellorus, Aleksandër Lukashenko gjatë një inspektimi të produkteve ushtarako-industriale në rajonin e Brest, shkruan Tass.

“Ne nuk do të shkojmë askund sot. Nuk ka luftë tani. Nuk kemi nevojë për të,” tha Lukashenko.

Lukashenko hodhi poshtë edhe një herë informacionin e përhapur në rrjetet sociale se  Bjelorusia po kryen një mobilizim të fshehtë.

“Duhet të qetësohemi. Të gjithë duhet të bëjmë biznesin tonë nëse duam të mos kemi luftë,” theksoi ai.

LEXONI GJITHASHTU

• Vijojnë bombardimet në Ukrainë, Kremlini: Të hapur për bisedime

• Rusët zbarkojnë në Bjellorusi, Ukraina frikë për sulme

• Lufta| Përgatitje të reja në kufi e ajër, trupat ruse drejt Bjellorusisë