Jeta pa syze, rrëfimi i gruas: Më ka ardhur shumë shpejt shikim

Një grua e cila i është nënshtruar operacionit të syrit në Klinikën Gjermane të Syrit, ka rrëfyer për emisionin “Enigmat e Hipokratit” në Euronews Albania, eksperiencën  e saj.

Ajo tha se ndihet shumë mirë, ndërsa shtoi se nuk priste një rikuperim kaq të shpejtë.

Më tej gruaja theksoi se iu nënshtrua operacionit, pasi ishte lodhur duke mbajtur syze.

“Ndihem shumë mirë, nuk e prisja që të kisha një rikuperim të shpejtë. Ka funksionuar shumë mirë, shikimi më ka ardhur shumë shpejt. Ndjehem shumë mirë, sot pas  tre ditëve unë mund të lexoj shumë mirë. Puna ime është që duhet të lexoj shumë gjithë ditën, dhe me pengonte shumë prezenca e syzeve, për më tepër që unë kisha problem si nga afër si nga larg me shikimin, përdorja syze progresive dhe kjo më lodhte shumë.

Tani ndihem shumë rehat dhe besoj se në ditët në vijim do të ndjehem shumë më mirë. Operacionit i hyra me shumë frikë, por ishte një ndërhyrje  shumë e mirë.  Do e ribëja sërish nëse do rikthehesha në kohë.  Rezultati është ai që prisja”- tha ajo.

LEXONI GJITHASHTU: 

• Vaksina anti-covid për foshnjat? Mjeku tregon kur këshillohet vaksinimi
• Vrasja e Ndojt, dëshmia e dy vëllezërve: Na sulmoi i pari, e lamë të gjallë kur ikëm