Ekskluzive/ Flet shoku i Kurtit: 32-vjeçari s’ishte i birësuar, ka punuar që 14-vjeç

Elendjon Çela, shoku i Lear Kurtit i cili ndërroi jetë mbrëmjen e 19 tetorit është shprehur se ky i fundit nuk ishte i birësuar, ashtu siç dhe qarkulloi lajmi në media.

Në një intervistë ekskluzive për emisionin “Riview” në Euronews Albania, ai tha se Kurti është rritur nga nëna e tij biologjike dhe nga njerku të cilit i thërriste baba.

“E njihja prej 30 vitesh, kemi qenë komshinj vetë. Më vjen çudi që kanë thënë që e kanë birësuar, sepse ai kishte nënën biologjike. Ai është rritur me nënën e vet me njerkun. Ai që  14 vjeç ka punuar marangoz, ka qenë djalë punëtor, i shkathët”

Çela deklaroi se Kurti punonte me një lokal, ndërsa shtoi se nuk beson që ai merrej me shpërndarjen e lëndëve narkotike.

“Për herë të fundit e takova para disa ditësh. Kohët e fundit punonte në një lokal, merrej me sisteme. Me aq sa e njoh, nuk besoj se Leari shpërndante drogë”- tha ai.

LEXONI GJITHASHTU: 

• Gazetari: Policia në shërbim të politikës, pse duan ta mbyllin vdekjen e Lear Kurtit
• Vdekja e Kurtit, Deda: Policia s’ka dhënë pamjet e kërkuara nga Avokati i Popullit
• Ekskluzive/ Itinerari i Lear Kurtit, nga shoqërimi në polici tek humbja e jetës