HEC-et, 214 mln euro fitime shtesë, rritja e çmimeve mbush xhepat e prodhuesve

Hidrocentralet private në Shqipëri mund të grumbullojnë fitime shtesë deri në 214 milionë euro  brenda këtij viti si efekt i drejtpërdrejt i rritjes së çmimeve të energjisë elektrike.

Shifra del si përllogaritje nga parashikimi i të ardhurave shtesë të projektbuxhetit 2023, që Ministria e Financave synon të mbledhë përmes taksës speciale për prodhuesit e energjisë.

Taksa e propozuar nga Qeveria është 33 për qind e fitimeve. Efekti në buxhet vlerësohet në 8.3 miliardë lek, ose 70 milionë euro më shumë.

Projektbuxheti e llogarit këtë shifër duke iu referuar çmimeve në treg. Çmimi aktualisht është 205 euro për megavat, sipas rezultateve të tenderit të fundit të organizuar nga KESh.

Taksa speciale për prodhuesit e energjisë elektrike, që kanë rritur me 4 ose më shumë herë fitimet prej rritjes së çmimeve pa kryer asnjë investim shtesë, ka nisur të aplikohet edhe në Bashkimin Europian.

LEXONI GJITHASHTU: 

• 51 % e konservatorëve mbështesin Sunak për kryeministër të ardhshëm të Britanisë
• Buxheti i vitit 2021, ekspertët shprehen skeptikë mbi projeksionet e qeverisë