Dega e Fizikës drejt mbylljes, Hafizi: Studentët nuk duan të bëhen fizikantë

Fizika dhe kimia janë degët më problematike që rrezikojnë mbylljen në Universitetin e Shkencave të Natyrës. Vetëm 10 studentë janë regjistruar për Fizikë.

“Arsyeja kryesore është që ata nuk e ndjejnë të investohen për tu bërë fizikantë që është një investim shumë i madh, nuk e ndjejnë që shoqëria shqiptare mund t’ia kthej mbrapsht, është e vështirë të gjejnë vende pune”, u shpreh Mimoza Hafizi, pedagoge në Fakultetin e Shkencave të Natyrës.

Pedagogu Ardian Isufi thekson se qeveria duhet të ndryshojë vizionin për arsimin.

‘Është cunguar interesi i cili është një problem shoqëror. Duhet të kuptoj edhe qeveria nuk është më thjesht problem universitetesh është problem i jo-komoditetit të jetës në Shqipëri.’

Duke mos pasur një mundësi punësimi të sigurt në Shqipëri, të rinjtë mendojnë se zgjidhja e vetme është emigrimi.

‘Me shumë mundësi jashtë, pasi nuk kemi shumë mundësi për të vazhduar diçka ose për punën që e duam ne.  Kjo shkolla që do mbarojmë ne vlerësohet më shumë jashtë shtetit’, tha studenti Arben Pitarka.

‘Përpara se të vija këtu e kisha menduar për të shkuar jashtë, por nga ana morale nuk isha akoma gati, por që nuk më ka ikur akoma nga mendja mund të shkoj edhe jashtë.

Në qoftë se kushtet janë këto aktualet, patjetër që nuk kemi shpëtim tjetër përveçse të shkojmë dhe të edukohemi jashtë dhe të japi kontributin tonë atje.  Momentalisht në mendje kam Gjermaninë’, tha një tjetër studenti Mateo Tasimi.

Në raundin e dytë janë regjistruar rreth 4000 maturantë nga 6000 që aplikuan. Maturantë kanë edhe një mundësi të fundit për të zgjedhur në një nga programet e studimit në raundin e tretë.

LEXONI GJITHASHTU:

• FOTO/ Ish-deputetja e PS-së i bashkohet protestës së pedagogëve
• Protesta e pedagogëve në rrethe, Korça dhe Vlora bojkotojnë
• Protesta e pedagogëve, Kovaçi: Pagat të jenë në nivelin e universiteteve private