Nëntë të vdekur dhe 120 raste të reja me Covid-19 në Kosovë

Pandemia e Covid-19 në Kosovë vijon të marrë çdo ditë jetë njerëzish. Kështu, në 24 orët e fundit raportohen nëntë persona të vdekur dhe 120 raste pozitive.

Sipas Instituti Kombëtar i Shëndetësisë Publike në Kosovë (IKSHPK), që nga fillimi i pandemisë dhe deri sot janë kryer 51.135 testimet të dyshuara, prej të cilave janë konfirmuar pozitivë 13.454 qytetarë.

Rastet pozitive në Kosovë:

Komuna Prishtinë 30 raste, komuna Prizren 16 raste, komuna Gjilan 13 raste. Komuna Gjakovë 11 raste, komuna Rahovec 7 raste, komuna Viti 7 raste, komuna Deçan 6 raste.

Komuna Vushtrri 5 raste, komuna Pejë 4 raste, komuna Ferizaj 3 raste, komuna Drenas 2 raste, komuna Kamenicë 2 raste, komuna Klinë 2 raste, komuna Malishevë 2 raste, komuna Obiliq 2 raste, komuna Skenderaj 2 raste dhe me nga një rast komunat Fushë Kosovë, Istog, Mitrovicë, Podujevë, Shtime dhe Suharekë.

Për shkak të Covid-19 kanë humbur jetën 523 persona, shumica prej tyre me sëmundje shoqëruese.

Ministria e Shëndetësisë dhe autoritetet shtetërore kanë bërë thirrje për kujdes tek qytetarët, të cilëve u kërkohen të zbatojnë me seriozitet masat e distancimit fizik, të vendosin maskë dhe të shmangin grumbullimet në ceremonitë martesore dhe ato mortore.