Ukraina u kërkon njerëzve që ikën nga vendi të mos kthehen këtë dimër

Ukraina u kërkon qytetarëve të saj, që u larguan nga vendi pas pushtimit rus, që të mos kthehen në shtëpi këtë dimër për shkak të ndërprerjeve të vazhdueshme në rrjetin elektrik, të shkaktuara nga sulmet me dronë dhe raketa ruse.

Kjo thirrje është bërë nga zëvendëskryeministrja e Ukrainës Iryna Vereshchuk, ditën e sotme.

“Ne duhet të mbijetojmë këtë dimër. Nëse njerëzit kthehen, rrjeti elektrik mund të dështojë,” tha ajo, shkruan CNN. 

“E shihni se çfarë po bën Rusia. Të gjithë e shohin atë. Të kthehesh tani, do të thotë të ekspozosh veten, fëmijët, të afërmit e tu të pambrojtur ndaj kësaj. Në pranverë do të doja shumë që ne të punonim së bashku për të rindërtuar rajonin tonë të Kharkiv, rajonin Kherson dhe pjesën tjetër të qyteteve dhe vendbanimeve tona këtu në Ukrainë” shtoi Vereshchuk.

Presidenti ukrainas Volodymyr Zelensky tha, në një konferencë ndërkombëtare në Berlin të martën, se raketat ruse dhe dronët e prodhuar nga Irani kanë “shkatërruar më shumë se një të tretën” e sektorit energjetik të Ukrainës.

LEXONI GJITHASHTU: 

• Shkelën rregullat e qarkullimit, në pranga 6 shoferë në Elbasan
• Lapaj: Të thyhet mungesa e garës në Shqipëri, duhet ligj për referendumet
• Lufta në Ukrainë, vriten 7 civilë në qytetin Bakhmut