Pse Elon Musk solli një lavaman në selinë e Twitter? 

Në vetëm pak ditë, Elon Musk duhet të mbyllë marrëveshjen e tij prej 44 miliardë dollarësh për të blerë rrjetin social Twitter.

CEO i kompanive Tesla dhe SpaceX, vizitoi të mërkurën selinë e kompanisë në San Francisko, pas së cilës ai postoi një video në profilin e tij në Twitter, ku e tregonte atë duke sjellë një lavaman në ndërtesë me një buzëqeshje të madhe.

Në përshkrim thuhej “let that sink in”; që nëse e përkthejmë fjalë për fjalë, do të thotë “le të hyjë lavamani”, ndërsa nëse marrim kuptimin e shprehjes, e përkthejmë “le të zhytet”.

Entering Twitter HQ – let that sink in! pic.twitter.com/D68z4K2wq7

— Elon Musk (@elonmusk) October 26, 2022

Kështu miliarderi luajti me fjalët e tij dhe solli lavamanin në zyrë.

Të hënën, Musk thuhet se u tha bankierëve që po financojnë pjesërisht blerjen, se marrëveshja me Twitter do të përfundonte deri të premten.

Musk bëri ofertën e tij fillestare për të blerë Twitter në prill, por u tërhoq nga ajo në korrik, duke pretenduar se Twitter shkeli marrëveshjen origjinale.

Twitter nga ana e tij paditi Musk, duke e akuzuar atë për përdorimin e robotëve si një mashtrim për të hequr dorë nga shkarkimi. Aksionarët e Twitter votuan në fillim të këtij muaji në favor të marrëveshjes origjinale të Musk.

Padia është duke vazhduar në shtetin amerikan të Delaware, ku gjyqtarja e Gjykatës Ekonomike Kathleen Mccormick u dha palëve kohë deri në orën 17:00 të së premtes për të mbyllur marrëveshjen, ose ndryshe do të përballen me një gjyq në nëntor për të vendosur rezultatin.

LEXONI GJITHASHTU:

• Elon Musk planifikon të finalizojë blerjen e Twitter deri të premten
• Elon Musk ‘hakmerret’ ndaj Ukrainës: ‘Nuk ju mbështes dot më’