Taksim për të vetëpunësuarit, Ibrahimaj: Na japin 2 mld lekë në vit

Qeveria do të futë në arkën e shtetit 2 mld lekë, të cilat do t’i marrë nga të vetëpunësuarit, në formën e tatimit mbi të ardhurat 13 ose 23%.

Propozimi ka marrë komente pro dhe kundër në komisionin e Ekonomisë.

Profesionet e lira do të taksohen për të ardhurat personale që do të fitojnë nga puna. Ministrja e Financave, Delina Ibrahimaj e ka prezantuar këtë propozim në Komisionin e Ekonomisë.

Ish-ministrja, Anila Denaj thotë se profesionet e lira ka vite që nuk i japin buxhetit 2 mld lekë çdo vit, por paketa fiskale ka nevojë edhe për korrigjime të tjera.

Por deputeti Erion Braçe kundërshton taksimin e të vetëpunësuarve, duke sugjeruar si masë kompensimi rritjen e tatimit të ardhurave nga kapitali.

Në Shqipëri janë 14 mijë individë të vetëpunësuar, të cilët sot janë subjekte të TVSH-së dhe tatimit mbi fitimin, çka do të thotë se paguajnë për fitimet që kanë.

LEXONI GJITHASHTU:

• Ibrahimaj: Inflacioni dhe rritja e çmimeve, sfida më e madhe për ekonominë
• ‘Buxheti rrit taksat’, Tabaku: Rrugët e florinjta do mbushin arkën e oligarkëve