Rama reagon pas publikimit të udhëtimeve të tij nga hakerat

Kryeministri Edi Rama ka reaguar pas publikimit të hyrje-daljeve të tij nga hakerat në faqen Homeland Justice.

Përmes një postimi në Twitter, Rama shprehet se avioni që ai përdor në udhëtime pune nuk është një charter komercial, po një avion për të cilin është akuzuar edhe më parë, dhe se shpenzimet janë brenda buxhetit të qeverisë.

Sikur udhëtimet e mia të punës t’u kushtonin shqiptarëve sa llogaritë që bëjnë nongratat, spiunët dhe topat e mediave të baltës, unë do të isha thjesht njëri prej tyre, po nuk kam asgjë të përbashkët me ta që më ngatërrojnë me veten dhe me charter-at e tyre!

— Edi Rama (@ediramaal) October 27, 2022

“Sot nuk kam ndërmend të risqaroj të njëjtën akuzë, për të cilën kush dëshiron mund t’i referohet sqarimeve të mëparshme, ndërkohë që qeveria iraniane dhe opozitarianianët shqiptarë e këndojnë atë njëzëri! Çfarë neverie!” shkruan mes të tjerash kryeministri.

Hakerat publikuan të enjten të dhënat e kryeministrit Edi Rama.

Në postimin e radhës në faqen ‘Homeland Justice’ u publikuan hyrje-daljet dhe letërnjoftimet e kreut të qeverisë. Materiali i publikuar ishte shoqëruar edhe me një mesazh:

“Zoti kryeministër i Shqipërisë, a i keni treguar popullit tuaj se taksat që ata paguajnë përdoren për të strehuar terroristët e MEK në Durrës? A po iu jepet shqiptarëve njësoj tokë, shtëpi, ushqim dhe karburant falas”, lexohet në mesazhin e publikuar nga hakerat në Homeland Justice.

LEXONI GJITHASHTU:

• Hakerat publikojnë të dhënat e kryeministrit Edi Rama/ 5 zhvillimet kryesore
• Hakerat publikojnë të dhënat e kryeministrit Edi Rama