Balliu: Referendumet, mundësi për t’u dhënë pushtetin qytetarëve

Shefi organizativ në Partinë Demokratike, Klevis Balliu tha në një intervistë për Euronews Albania se pret që marrëveshja e nënshkruar mes PD dhe PL të zbatohet.

Sipas tij ajo marrëveshje e forcon koalicionin opozitar sepse tashmë qëndrimet dhe qëllimi i dy partive opozitare është i qartë.

Për Balliun referendumet janë pika më e rëndësishme e marrëveshjes duke qenë se qytetarët janë larguar nga vendimmarrja politike.

“Është një problem shumë i madh i shoqërisë. Duke mos marrë pjesë ju mungon informacioni, duke u bërë pjesë atyre do ju rritet informacioni. Nuk ka më t’ju shkosh qytetarëve një herë në katër vjet ‘ma jep votën, s’ta jap votën’. Tani ata do të jenë pjesë e asaj vendimmarrje,” – u shpreh Balliu.

Në dokumentin që u firmos mesditën e së enjtes nga kreu i Partisë Demokratike, Sali Berisha dhe kreu i Partisë së Lirisë, Ilir Meta  sqarohet se kjo marrëveshje mes partive u bë për 5 arsye kryesore të cilat janë: për shkak të korrupsionit shkatërrimtar; të asgjësimit të pluralizimit politik në nivel vendor; të shpopullimit masiv dhe tragjik; të krizës ekonomike që po çon në kolaps vendin; të qeverisjes së kapur peng nga trafiqet, paraja e pisët dhe korrupsioni.

LEXONI GJITHASHTU:

• Çfarë nuk dihet? PD ‘zbërthen’ marrëveshjen me Ilir Metën
• Ekskluzive | Euronews Albania siguron draft marrëveshjen Meta-Berisha
• Berisha para marrëveshjes me Metën: Dita e ekzekutimit politik të Veliajt