“1 sms i Ramës vlen sa 100 VKM”, Soko: Qeveria s’mund të mbush buxhetin me gjoba

Eksperti i ekonomisë Pano Soko, teksa është diskutuar paketa fiskale theksoi se qeveria nuk mund të mbush buxhetin me gjoba.

I ftuar në emisionin ‘Review’ në Euronews Albania, Soko theksoi se qeveria është selektive në vendosjen e gjobave, ndërsa shtoi se nuk ka vullnet për të luftuar evazionin fiskal.

“Qeveria nuk mund të mbush buxhetin me gjoba. Problemi që shoh me gjobat është selektiviteti. Kjo situatë kur ka mungesë vullneti dhe rritje të gjobës, për çfarë shkon? Normalisht për zgjedhjet elektorale dhe për korrupsion. Sa më e lartë të jetë gjoba aq më i lartë është korrupsioni. Vrimat e sistemit tonë janë me dashje. Këtu çdo gjë ndryshon kur vullneti ndryshon. Nuk është çështje skenarësh por vullneti”- u shpreh Soko.

Sipas tij ndonjëherë një mesazh nga kryeministri vlen më shumë se 100 VKM në vendin tonë, ndërsa deklaroi se nëse ka vullnet evazioni fiskal luftohet.

“Nëse ka vullnet luftohet evazioni fiskal. Ndonjëherë sms janë më të vlefshme se VKM-të. Një sms e Ramës që të thoshte stop evazionit fiskal sot do të ishte sa 100 VKM të tjera”- nëvizoi eksperti.

LEXONI GJITHASHTU: 

• Nasto: Bizneset në Shqipëri kontrollohen 10 herë në ditë për korrupsion
• Soko: Gjobat në vendin tonë janë si ligji në dorën e Maliqit te 14-të vjeç dhëndër
• Paketa fiskale e 2023, Qiraxhi: Shteti më shumë parashikon të marrë sesa të jap