Rusia dhe Ukraina këmbejnë përsëri të burgosurit

Ukraina dhe Rusia kanë kryer një tjetër këmbim të të burgosurve, tha më 29 tetor shef i Zyrës së presidentit ukrainas, Andriy Yermak. Sipas tij aksioni rezultoi në lirimin e 52 shtetasve ukrainas.

Ai tha se të përfshirë në këmbim janë “oficerë, mjekë, rreshterë dhe ushtarë”.

Denis Pushilin, administrator i territorit që e quan veten Republika Popullore e Donjeckut, tha se 50 persona nga secila palë u këmbyen.

Ministria ruse e Mbrojtjes tha se 50 ushtarakë u kthyen, duke shtuar se ata ishin “në rrezik vdekjeprurës në robëri”.

Ata do të dërgohen në Moskë nga ushtria ruse për trajtim dhe rehabilitim, tha ministria.

LEXONI GJITHASHTU: 

• Migen Qiraxhi: Vitin e ardhshëm ne do të jemi më të varfër, por qeveria më e pasur
• Nasto: Bizneset në Shqipëri kontrollohen 10 herë në ditë për korrupsion