Inflacioni në Austri rritet me 11% në tetor

Çmimet e konsumit në Austri kanë shënuar rritje në tetor, kryesisht për shkak të çmimeve të larta të energjisë dhe karburantit, njofton Zyra e Statistikave të Austrisë.

Inflacioni i çmimeve të konsumit u rrit me 11% në tetor krahasuar me 10,5% në shtator, shkruan KosovaPress.

“Rritja e çmimeve tani ka prekur pothuajse të gjithë sektorët, përveç ushqimit dhe gastronomisë. Rritje të konsiderueshme të çmimeve tani mund të vërehen edhe në veshjet”, tha drejtori i Përgjithshëm i Statistikave të Austrisë, Tobias Thomas.

Indeksi i harmonizuar i çmimeve të konsumit të BE-së u rrit me 11,5% në terma vjetore, në tetor, pas një rritjeje prej 10,9% në muajin e mëparshëm.

Në baza mujore, çmimet e konsumit u rritën me 1% në muajin tetor pas një rritjeje prej 1,6% në muajin e kaluar, njofton ATSH.

Në bazë mujore, indeksi i harmonizuar i çmimeve të konsumit u rrit me 1,2% në tetor.

LEXONI GJITHASHTU:

• Eurozona: Inflacioni në tetor shënoi një rekord të ri
• Sondazhi: Inflacioni, shqetësimi kryesor i gjermanëve
• Inflacioni rritet përtej çdo parashikimi në Itali