Gjermania kërkon që Serbia të zgjedhë mes BE-së dhe Rusisë

Qeveria federale e Gjermanisë po ushtron gjithnjë e më shumë presion ndaj Serbisë, ku i kërkon të zgjedhë mes rrugës drejt Bashkimit Evropian dhe Rusisë.

“Nevoja për një vendim po bëhet më e mprehtë në funksion të zhvillimeve gjeopolitike,” tha një përfaqësues i qeverisë në Berlin të martën, duke iu referuar luftës së agresionit rus në Ukrainë, shkruan Die Welt.

Ai theksoi se një marrëveshje midis Serbisë dhe Rusisë për bashkëpunimin e zgjeruar ishte pritur me befasi dhe zhgënjim.

Sipas tij, kjo ishte një përshtatje e dobët me pritjet që kandidatët për anëtarësim në BE duhet të miratojnë gjithashtu sanksione kundër Rusisë.

“Nëse Vuçiç vendos ta udhëheqë vendin e tij drejt BE-së, ai ka mbështetjen e qeverisë federale. Nëse ai vendos të shkojë në anën tjetër, do të ketë pasoja të kundërta,” nënvizoi përfaqësuesi gjerman.

LEXONI GJITHASHTU

• Tronditet Kosova, kërcënon Beogradi| Pse u vendos ushtria në Mitrovicë?
• Ushtria serbe në gjendje gatishmërie, pas vendimit të qeverisë së Kosovës për targat
• Price: I kërkuam Kosovës shtyrjen e plotë e jo të pjesshme të vendimit për targat