Raporti: Rusët më të pasur humbën më shumë se 83 mld $ që nga fillimi i vitit
Pasuria e biznesmenëve më të pasur në Rusi është ulur me 83.4 miliardë dollarë që nga fillimi i vitit 2022, sipas “Bloomberg Billionaires Index” të publikuar sot.
Sipas llogaritjeve të Bloomberg, pasuria e Vladimir Potanin, presidenti i kompanisë Holding Interos dhe kompanisë minerare Nornickel, tani është 29.8 miliardë dollarë, 1.08 miliardë dollarë më pak se në fillim të vitit, raporton TASS.
Leonid Mikhelson, kryetar i Bordit të Drejtorëve të Novatek, ka humbur pesë miliardë dollarë që nga janari 2022 dhe pasuria e tij neto vlerësohet në 27.4 miliardë dollarë. Alexey Mordashov, kryetari i Bordit të Drejtorëve të Severstal, tani ka 21.1 miliardë dollarë, pra 7.78 miliardë dollarë më pak se në fillim të vitit.
Në listë përfshihet edhe kryetari i Bordit të Drejtorëve të NLMK-së Vladimir Lisin me një pasuri prej 20.2 miliardë dollarësh pas një humbje prej 7.8 miliardë dollarësh, pastaj ish-drejtori ekzekutiv i Lukoil Vagit Alekperov, i cili është “më i lehtë” për 1,86 miliardë dollarë, dhe pronari Ališer Usmanov i Metaloinvest me një humbje prej 3.38 miliardë dollarësh.
Aksionari i Novatek, Gennady Timchenko humbi 8.35 miliardë dollarë, ndërsa ish-drejtori joekzekutiv i prodhuesit të plehrave, grupi EuroChem, Andriy Melnychenko humbi 3.88 miliardë dollarë gjatë dhjetë muajve të fundit.
LEXONI GJITHASHTU:
Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat
11 raste në një javë, disa avionë rusë janë interceptuar në Baltik
Ushtria amerikane sulm ndaj një anije të dyshuar me drogë në Oqeanin Paqësor, dy viktima
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat
- 14:27 11 raste në një javë, disa avionë rusë janë interceptuar në Baltik
- 14:22 11 vende evropiane kërkojnë rregulla më të ashpra të vizave nga BE për qytetarët rusë
- 14:12 Ushtria amerikane sulm ndaj një anije të dyshuar me drogë në Oqeanin Paqësor, dy viktima
- 14:05 Erion Braçe del kundër Ramës për Zvërnecin (VIDEO)
- 14:03 SPAK sekuestron vilën në Dhërmi, akuza të reja ndaj Belinda Ballukut