10 pedagogë pritet që sot të futen në grevë urie, asnjë përgjigje nga qeveria

10 pedagogët e Universitetit të Tiranës do të jenë nismëtarët e parë të grevës së urisë. Ata janë shprehur se sot do të hyjnë në grevë urie nëse nuk plotësohen kërkesat.

Ende nuk është vendosur për ambientin ku do të mbahet greva. Por, një përgjigje pozitive nga qeveria do i kthente ata në auditor.

Kjo është java e tretë që një pjesë e pedagogëve bojkotojnë procesin mësimor.

Pasditen e djeshme Senati Akademik i Universitetit Politeknik të Tiranës vendosi që të rrisë me 8 përqind rrogat për personelin akademik.

Kjo ndërhyrje është në zbatim të vendimit të Këshillit të Ministrave, ku kërkohet që rritja të merret përsipër nga vetë universitetet.

Ndërkohë, së bashku me rritjen 7 përqind nga qeveria, në total pedagogët që protestojnë prej javësh, do të marrin një pagë 15 përqind më të lartë.

LEXONI GJITHASHTU:

• Pedagogët sërish në protestë, paralajmërojnë grevë urie ose ngujim
• 9 kërkesat e pedagogëve
• Berisha mbështet pedagogët: Rama të plotësojë me urgjencë kërkesat e tyre