Colella me sytë drejt Laçit, por me mendjen te përballja me Egnatian

Partizani kërkon të lërë pas humbjen ndaj Egnatias, teksa kundërshtari i radhës është Laçi.

Kurbinasit janë jo pak të rrezikshëm në fushë, ndërkohë vijnë pas dy fitoreve radhazi, të fundit ndaj Teutës në Niko Dovana.

Trajneri Giovani Colella duket se nuk e ka harruar humbjen në ‘Arena Egnatia’, të cilën e ka konsideruar një shpullë në fytyrë.

“Nuk e kam në dorë sferën e kristalit. Nëse do të kisha diçka të tillë nuk do të punoja këtu çdo ditë e çdo javë. Mendoj se skuadra ime është e re dhe ka shumë karakter. Ndonjëherë shihemi në pasqyrë dhe kur e bëjmë këtë themi sa të mirë e sa të fortë jemi, porn ë atë moment marrim dhe ndonjë shpullë siç ndodhi ndaj Egnatias”, u shpreh Colella.

Italiani pohon se e njeh mirë skuadrën e Laçit, ndërkohë nuk e ndjen aspak presionin e ndjekësve.

“E njoh mjaft mirë Laçin, pasi u përballa dhe në fazën e parë. Laçi ka ndryshuar diçka. Nuk e nisi mirë, por tani ka ndryshuar mënyrën e lojës dhe besoj do të jetë një ndeshje tjetër. Momentalisht nuk është se më preokupon presioni nga Tirana dhe skuadrat e tjera. Ne do të përballemi gjatë gjithë sezonit me të njëjtët kundërshtarë, unë kërkon mentalitetin jo vetëm ndaj Laçit, por ndaj çdo skuadre tjetër”, tha ai.

Ndeshja e fazës së parë mes këtyre dy skuadrave u mbyll me fitoren minimale të të kuqve, ndërsa goli u shënua nga Xhuliano Skuka.

LEXONI GJITHASHTU

• Në Itali e bëjnë fakt, Luigi Di Biagio në krye të kombëtares shqiptare
• Paul Pogba humbet Botërorin për shkak të dëmtimit, francezi nuk ia del për në Katar
• Napoli ‘blindon’ kreun, 8 fitore radhazi në kampionat