Vuçiç flet për dronët mbi objektet ushtarake: Nuk do lejojmë spiunë

Presidenti i Serbisë, Aleksandar Vuçiç, ka thënë se nuk është hera e parë që Serbia ka zbuluar dronë mbi kazermat e ushtrisë serbe dhe se nuk do të lejojë që dikush t’i spiunojë.

I pyetur nga gazetarët, gjatë stërvitjes “Manovrat 2022”, se çfarë po mbron qiejt e Serbisë duke marrë parasysh ngjarjet e ditëve të mëparshme, Vuçiç tha se njerëzit zakonisht jetojnë në kohën e 20 apo 30 viteve më parë, por gjërat kanë ndryshuar dukshëm, shkruan Euronews Serbia.

“Serbia është shumë më e fortë, por të mos mendojmë se jemi aq të fortë sa të mund të konkurrojmë me fuqi më të madhe botërore. Forca e Serbisë sot është e pakrahasueshme  me të kaluarën, por nga ana tjetër nuk bëhet fjalë për forcën, por mbi të gjitha politikën. A do të arrijmë ta ruajmë paqen, kjo është detyra jonë prioritare dhe po bëjmë çmos që ta realizojmë”, tha ai.

Presidenti theksoi se dje nuk ishte hera e parë që vëreheshin avionë mbi kazermën e ushtrisë serbe.

LEXONI GJITHASHTU:

• Vuçiç takim me admiralin e NATO-s: Të shmanget përshkallëzimi i situatës me Kosovën
• Mund të ketë një takim Erdogan-Kurti-Vuçiç, thotë këshilltari i presidentit turk