Putin mund të marrë pjesë ‘online’ në Samitin e G20-ës

Presidenti rus, Vladimir Putin mund të marrë pjesë në samitin e G 20-ës në Bali përmes video-konferencës, tha të enjten agjencia shtetërore e lajmeve RIA, duke cituar ambasadën ruse në Indonezi.

Si mikpritëse e G20-ës, Indonezia i ka rezistuar presionit nga vendet perëndimore dhe Ukraina për të tërhequr ftesën për Putinin dhe për të dëbuar Rusinë, duke thënë se i mungon autoriteti për ta bërë këtë pa konsensus midis anëtarëve, shkruan Reuters.

“Formati i pjesëmarrjes së Vladimir Vladimirovich Putin është duke u përpunuar. Është e mundur që ai të marrë pjesë në samit përmes video-konferencës”, tha një diplomat.

Indonezia ka ftuar gjithashtu presidentin ukrainas Volodymyr Zelensky, i cili ka të ngjarë të marrë pjesë virtualisht.

Zelensky ka thënë se nuk do të merrte pjesë nëse Putini merr pjesë.

Ky samit do të mbahet në Bali të Indonezisë më 15 dhe 16 nëntor, e cila aktualisht udhëheq me presidencën e G20-ës.

LEXONI GJITHASHTU

• Vladimir Putin nuk do të marrë pjesë në Samitin e Balit
• Putini lë ‘topin’ në fushën e Zelenskit: ‘Më në fund gati për paqe!’ po tani?
• Putin planifikon të testojë raketën që mund të godasë Britaninë e Madhe në 6 minuta