Sarrazin: Duhet urgjentisht qetësimi i tensioneve në Kosovë 

Emisari gjerman për Ballkanin Perëndimor, Manuel Sarrazin, përmes një postimi në Twitter ka dhënë më shumë detaje për takimet që zhvilloi në Kosovë e Serbi së bashku me homologun slloven, Anzhej Frangesh.

Sarrazin gjithashtu ka bërë thirrje për qetësimin e tensioneve në Kosovë dhe për dialog me ndërmjetësimin e të dërguarit të Bashkimit Evropian, Miroslav Lajçak.

“Me Anžej Frangeš në Kosovë dhe Serbi. Ne takuam Albin kurtin, Besnik Bislimin, Donika Gërvallen si dhe Goran Rakiq nga Lista Serbe, vizituam kufirin e Jarinjes, folëm me kryeministren e Serbisë dhe Petar Petkoviçin. Urgjentisht nevojitet tejkalim i tensionit dhe po ashtu përfshirje në dialog”, ka shkruar Sarrazin në Twitter.

LEXONI GJITHASHTU:

• Ekskluzive| I dërguari i Gjermanisë: Nuk do pranojmë një republika Srpska në Kosovë
• Çfarë u kërkoi Borrell, Kurtit dhe Vuçiçit gjatë takimeve në Francë