“Të shembim blindat”, mesazhi i Luçiano Boçit në protestë

Deputeti Luçiano Boçi gjatë fjalës së tij në protestën e opozitës u shpreh se duhet të largojmë nga qeveria kryeministrin Edi Rama.

“E di zemërimin tuaj prandaj jemi këtu sot, që do ta kemi pishtar në marshimin tonë. Të dashur qytetarë, e gjithë Shqipëria sot është me sytë tek ju. Së bashku të vazhdojmë betejën tonë, të mundim betejën që ka filluar. Së bashku të shembim blindat e portave që kanë burgosur lirinë tonë, ëndrrat tona dhe mbrapa blindave të burgut të fusim atë që e meriton që fshihet pas dritareve dhe pas ikjeve jashtë shtetit. Besimi i PD-së është i madh. Ky është një mision qytetar”, u shpreh Boçi.

Protesta e opozitës ka filluar vetëm pak minuta më parë. Kreu i Partisë së Lirisë Ilir Meta  dhe kreu i Partisë Demokratike, Sali Berisha shfaqen në krah të njëri tjetrit.

Deri më tani nuk është raportuar asnjë incident në protestë, ndërkohë që pjesëmarrja është shumë e lartë.

LEXONI GJITHASHTU:

• Meta në krah të Berishës në protestën para Kryeministrisë
• Meta: Mesazhi është i qartë, qeveria të mos guxojë të provokojë qytetarët
• LIVE | ‘Mos provokoni protestuesit’, Berisha dhe Meta marshojnë drejt Kryeministrisë