Kryetari i Partisë së Lirisë, Ilir Meta deklaroi se zëri i qytetarëve është më i fuqishëm se gjithçka.

Ai i bëri thirrje qeverisë të mos provokojë protestuesit pasi gjithçka është nisur me synimin për një tubim të qetë dhe demokratike.

Ndërkohë, kujtojmë se më herët kreu i Partisë Demokratike nuk përjashtoi asnjë skenar.

Rrugës për nga selia e partisë drejt protestës së opozitës përballë kryeministrisë, Meta tha për mediat se 10 vite kanë qenë mjaftueshëm për të kuptuar se kush fle në demokraci zgjohet në diktaturë.

“Jemi për t’u bashkuar me prindërit e fëmijëve, të cilëve shpirtziu u mbylli kopshtin, u mbylli shkollën dhe i bëjmë thirrje të gjithë atyre që na ndjekin dhe nuk kanë mbërritur ende në shesh të vijnë dhe ata në mënyrë që t’i japim fund njëherë e përgjithmonë këtij regjimi shpirtzi,” – u shpreh Meta.

LEXONI GJITHASHTU:

• Meta mbërrin në selinë e PL-së: Edhe pak minuta dhe shkojmë te populli i lirisë
• Ilir Meta kujton protestën e 2017-tës: Ne nuk duam që vendi të braktiset