Ilir Meta kujton protestën e 2017-tës: Ne nuk duam që vendi të braktiset

Kryetari i Partisë së Lirisë Ilir Meta ka kujtuar më 12 nëntor, ditën e protestës së opozitës, fjalimin e tij në protestën e vitit 2017.

Ai shkroi krahas videos së publikuar në Facebook se mesazhi i dhënë asokohe është më aktual se kurrë e nuk duan që vendi të braktiset.

“Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje. Shqipëria u përket të rinjve dhe ne do ta bëjmë këtë realitet,” – u shpreh Meta.

Këtë të shtunë, në orën 16:00 do të mbahet protesta kombëtare e opozitës para Kryeministrisë.

Për mbarëvajtjen e protestës, do të jenë në gatishmëri rreth 1000 efektivë policie, teksa disa akse rrugore do të jenë të mbyllura që prej orës 15:00.

Kryetari i Partisë Demokratike, Sali Berisha dhe funksionarë të tjerë demokratë, nuk kanë përjashtuar asnjë lloj skenari për protestën e sotme.

LEXONI GJITHASHTU:

• VIDEO| “Braverman ti mund të jesh kriminele, ne jo”, shqiptarët protestojnë në Angli
• ‘Të gjithë në protestë’, Berisha: Sot është ora e shqiptarëve