Me pantallona të shkurtra nga hoteli, Lavrov mohon shtrimin në spital

Zëdhënësja e Ministrisë së Jashtme ruse Maria Zakharova ka mohuar raportimet se ministri i Jashtëm rus Sergei Lavrov është shtruar në spital në Bali.

“Z. Lavrov dhe unë po lexojmë lajmet në Indonezi dhe nuk u besojmë syve, duket se është shtruar në spital! Ky është me të vërtetë niveli më i lartë i falsifikimeve. Epo, prisni një ekskluzive globale…”, ka shkruar Zakharova në kanalin e saj Telegram.

Më pas, ajo postoi një video që tregonte një Sergei Lavrov me pamje të shëndetshme, i veshur me pantallona të shkurtta dhe duke folur në një tavolinë që dukej se ishte filmuar në një hotel.

TASS postoi gjithashtu një selfie të Lavrov duke buzëqeshur, të cilën agjencia e lajmeve thotë se ishte siguruar nga ministri.

Ministri i Jashtëm Lavrov po përfaqëson Rusinë në G20 në ishullin indonezian pasi Kremlini njoftoi se presidenti Putin nuk do të marrë pjesë.

LEXONI GJITHASHTU:

• Lavrov në spital, Ministria e Jashtme ruse mohon raportimet
• Lavrov: Perëndimi dëshiron të militarizojë Azinë Juglindore