Rusia ndalon hyrjen për 100 kanadezë, përfshirë aktorin Jim Carrey

Rusia ka njoftuar se po vendoste ndalime të hyrjes për 100 shtetas kanadezë, përfshirë aktorin amerikano-kanadez Jim Carrey.

Kjo masë sipas mediave të huaja ka ardhur si përgjigje e sanksioneve të Kanadasë ndaj Moskës.

Ministria e Jashtme ruse tha në një deklaratë se ka shtuar më shumë kanadezë në “listën e zezë”, e cila përmban qindra zyrtarë perëndimorë dhe individë të shquar.

“Në përgjigje ndaj praktikës së vazhdueshme të kryeministrit Justin Trudeau për vendosjen e sanksioneve kundër udhëheqjes ruse, politikanëve dhe parlamentarëve, përfaqësuesve të biznesit, ekspertëve dhe gazetarëve, figurave kulturore, si dhe kujtdo që autoritetet kanadeze ‘rusofobike’ e konsiderojnë të kundërshtueshëm, hyrja është e mbyllur për 100 qytetarë të Kanadasë në bazë të reciprocitetit”, thuhet në deklaratën e Ministrisë së  Jashtme të Rusisë.

Moska në mars shtoi kryeministrin kanadez Justin Trudeau në ndalimin e udhëtimit.

LEXONI GJITHASHTU: 

• Jeff Bezos do të japë 124 mld dollarë për krizën e ndryshimeve klimatike
• Lufta në Ukrainë, amerikanët vendosin sanksione të reja ndaj rusëve
• ‘Raporte të shkëlqyera’, Guri: 35 mijë martesa mes shqiptarëve dhe grekëve në Greqi