21 viktima nga zjarri në Rripin e Gazës, presidenti shpall ditë zie

Të paktën 21 persona humbën jetën dhe disa u plagosën në një zjarr që shpërtheu në një ndërtesë banimi. Brenda po mbahej një festë.

Ngjarja ndodhi në kampin Jabala në Rripin e Gazës, njoftuan të enjten shërbimet lokale shëndetësore dhe emergjente.

Zjarrfikësve iu deshën më shumë se një orë për të luftuar flakët e mëdha.

Ambulancat transportuan disa njerëz në spitalet lokale dhe Izraeli do të ofrojë trajtim mjekësor për ata që kanë nevojë.

Ministria e Brendshme e Gazës tha në një raport paraprak se sasi të mëdha gazi ishin ruajtur në vendin e incidentit, i cili përhapi shpejt flakët në të gjithë ndërtesën.

Presidenti palestinez Mahmoud Abbas tha se ishte një tragjedi kombëtare dhe do të shpallej ditë zie.

LEXONI GJITHASHTU:

• Zjarri i merr jetën familjes me 7 anëtarë në Rusi, përfshirë 5 fëmijë
• Shqiptari në Itali qëllon me armë zjarri të dashurën 18-vjeçe, më pas vret veten