Zjarri i merr jetën familjes me 7 anëtarë në Rusi, përfshirë 5 fëmijë

Një familje prej shtatë anëtarësh, me pesë fëmijë, ka humbur jetën në një zjarr në një shtëpi në republikën ruse të Bashkiria, raportojnë agjencitë ruse.

Zjarri përfshiu një shtëpi prej druri dykatëshe në të cilën kishte disa apartamente, njoftuan shërbimet e emergjencës, transmeton Interfax.

Dy fëmijë janë shpëtuar nga zjarri. Babai arriti t’i shpëtonte dhe më pas u përpoq të shpëtonte edhe fëmijët e tjerë, por nuk mundi të dilte nga shtëpia e djegur dhe vdiq.

Gjatë shuarjes së zjarrit është gjetur edhe trupi i një gruaje, njoftoi shërbimi për shtyp i Administratës Kryesore të Ministrisë së Situatave Emergjente në Bashkiria.

Sipas të dhënave paraprake, shkak i zjarrit mund të jetë qarku i shkurtër ose trajtimi i pakujdesshëm i zjarrit. Bashkiria ndodhet në juglindje të pjesës evropiane të Rusisë.

LEXONI GJITHASHTU:

• Zgjatet marrëveshja e grurit/ Rusi-Ukrainë, akord për shtyrjen me 120 ditë të afatit
• Rusia pranon të zgjasë marrëveshjen e grurit me Ukrainën