Rusia pranon të zgjasë marrëveshjen e grurit me Ukrainën

Sekretari i Përgjithshëm i OKB-së, Antonio Guterres të enjten konfirmoi të enjten se të gjitha palët kishin rënë dakord të zgjasin marrëveshjen e drithit të ndërmjetësuar nga OKB-ja, që synon lehtësimin e krizës globale të ushqimit, pasi Rusia kishte hedhur dyshime mbi pjesëmarrjen e saj të vazhdueshme në marrëveshje.

“Unë mirëpres marrëveshjen e të gjitha palëve për të vazhduar Iniciativën e Drithërave të Detit të Zi për të lehtësuar lundrimin e sigurt të eksportit të drithit, produkteve ushqimore dhe plehrave nga Ukraina”, tha Guterres në Twitter. “Iniciativa tregon rëndësinë e diplomacisë diskrete në gjetjen e zgjidhjeve shumëpalëshe”, shkruan CNN.

Marrëveshja, e nënshkruar në korrik, do të skadonte të shtunën.

Në një postim në Twitter, ministri ukrainas i Infrastrukturës Oleksandr Kubrakov tha se marrëveshja do të “zgjatet për 120 ditë”.

LEXONI GJITHASHTU:

• Delegacionet e BE-së dhe Rusisë kërkojnë zgjatjen e marrëveshjes së grurit 
• Ankesa nga Moska, bisedime mes Rusisë dhe OKB-së për eksportet e grurit