Lukashenko mbyll kufijtë e Bjellorusisë me Poloninë dhe Lituaninë

Vijojnë të shtohen tensionet me Bjellorusinë, teksa presidenti Lukashenko vendos të mbyll kufijtë me Poloninë dhe Lituaninë si dhe të shtojë kontrollet në kufirin me Ukrainën.

Vendimi i Presidentit për të mbyllur kufijtë thekson edhe njëherë  pretendimin e tij të përsëritur se vala masive e protestave drejtohet nga Perëndimi dhe vjen në kohën kur BE dhe SHBA kanë shtuar kritikat kundrejt tij.

“Ne jemi të detyruar të largojmë trupat nga rrugët, ta vendosim ushtrinë në gatishmëri të lartë dhe të mbyllim kufirin shtetëror në Perëndim, kryesisht me Lituaninë dhe Poloninë,” u shpreh Lukashenko gjatë një forumi.

Ndërsa autoritete në Poloni shprehen se ende nuk kishin një konfirmim për mbylljen e kufirit.