Shkon në 310 numri i viktimave nga tërmeti në Indonezi

Numri i të vdekurve nga tërmeti që goditi të hënën ishullin indonezian Java është rritur në 310, ndërsa 24 të tjerë rezultojnë të zhdukur, njoftoi sot Agjencia Kombëtare e Situatave të Emergjencave, raporton Reuters.

Sipas deklaratës, ekipet e shpëtimit vazhdojnë të pastrojnë rrënojat për të gjetur njerëz ende të zhdukur, por shpresat për t’i gjetur ata të gjallë janë të pakta.

Qindra indonezianë u lutën sot në rrugët e Chianjur, pasi një tërmet pothuajse rrafshoi qytetin në Java Perëndimore.

Kleriku mysliman Muhammad Jamhur drejtoi një lutje në një fushë volejbolli të hapur vetëm 200 metra larg një xhamie, muret e së cilës u plasaritën dhe dritaret u thyen nga tërmeti 5.6 ballë që goditi Chianjur, rreth 75 kilometra në jug të kryeqytetit të Xhakartës.

“Pas fatkeqësisë, ne ende kemi frikë, kështu që na u desh të shkojmë në fushën e volejbollit. I kërkova komunitetit të ishte vigjilent sepse fatkeqësia mund të ndodhë përsëri”, tha Jamhur.

LEXONI GJITHASHTU:

• Tërmeti në Indonezi, mes viktimave shumë nxënës, ishin në mësim kur u shemb shkolla
• Shkon në 162 numri i viktimave nga tërmeti i fuqishëm në Indonezi