Qeveritë e BE-së pa marrëveshje për kufizimin e çmimit të naftës ruse 

Qeveritë e Bashkimit Evropian nuk arritën të bien dakord të hënën për një kufi mbi çmimin e naftës së papërpunuar ruse nga deti.

Ishte Polonia shteti që këmbënguli se kufiri duhet të jetë më i ulët se ai i propozuar nga vendet e G7 për të zvogëluar aftësinë e Moskës për të financuar një sulm ndaj Ukrainës, thanë diplomatët.

“Nuk ka marrëveshje. Teksti i ligjit është rënë dakord, por Polonia ende nuk mund të pajtohet me çmimin,” tha një diplomat, sipas Reuters.

Asnjë datë e re nuk është caktuar ende për bisedimet, thanë diplomatët, megjithëse mekanizmi i kufirit të çmimit do të hyjë në fuqi më 5 dhjetor.

Nëse nuk ka marrëveshje deri të hënën e ardhshme, BE do të zbatojë masa më të ashpra

G7 ka propozuar një kufi prej 65-70 dollarë për fuçi, por Polonia dhe disa të tjerë thonë se kjo nuk do të dëmtojë Moskën, sepse nafta ruse tashmë po tregtohet nën këtë interval me 63.50 dollarë.

LEXONI GJITHASHTU:

• Polonia mbyll pjesën e parë në avantazh, Arabia Saudite humbet penalltinë
• Shtetet europiane që ‘kanë mbyllur një sy’ dhe po blejnë ende gaz rus ‘nën zë‘