Udhëtimi ‘epik’ i 3 emigrantëve drejt Spanjës, 11 ditë në timonin e anijes-cisternë

Tre emigrantë afrikanë kanë kryer një sipërmarrje të vërtetë, duke zgjedhur të udhëtojnë për disa ditë në det të hapur, të ulur në timonin e një anijeje, për të arritur ishujt Kanarie të Spanjës.

Kur zbarkuan, ata shfaqën simptoma të dehidratimit dhe hipotermisë dhe u transferuan në një spital për trajtim mjekësor.

Ata ishin ulur në timonin e anijes “Alithini 2”, një cisternë nafte, që ishte larguar nga Lagosi, në Nigeri, më 17 nëntor dhe mbërriti në Las Palmas vetëm ditën e hënë.

Las Palmas është kryeqyteti i Gran Kanaria, një nga ishujt Kanarie të Spanjës, që ndodhet në bregun veri-perëndimor të Afrikës.

Historikisht, ishujt kanë qenë një mënyrë arratie për emigrantët afrikanë që synojnë të arrijnë Evropën, duke qenë se ndodhen vetëm 100 kilometra në perëndim të Marokut.

Të dhënat e autoriteteve spanjolle tregojnë se emigracioni përmes detit drejt vendit iberik u rrit me 51% në 5 muajt e parë të vitit, krahasuar me të njëjtën periudhë të 2021-shit.

Pavarësisht se është shumë e rrezikshme, kjo nuk është hera e parë që emigrantët udhëtojnë në timonët e anijeve tregtare.

Vitin e kaluar, një 14-vjeçar nigerian u intervistua nga gazeta spanjolle “El Pais”, pasi kishte mbijetuar për 2 javë në timonin e një anijeje, të nisur po ashtu nga Lagosi.

LEXONI GJITHASHTU:

• ‘Shqiptarët të dëbohen brenda 10 ditëve’, plani i ri i Britanisë për emigrantët
• ‘Luftë’ në kufirin serbo-hungarez, emigrantët përleshen me armë zjarri