‘Shqiptarët të dëbohen brenda 10 ditëve’, plani i ri i Britanisë për emigrantët

Ministria e Brendshme Britanike pritet të prezantojë një plan të ri për dëbimin e emigrantëve të paligjshëm nga vendi.

Mediat britanike shkruajnë se sekretarja e brendshme, Suella Braverman, do të prezantojë një liste me vendet që përcaktohen të sigurta dhe nga të cilat nuk pranohen kërkesat për azil.

Qytetarët që vijnë nga këto shtete do të kthehen në vendin e origjinës me procedurë të përshpejtuar sapo të mbërrijnë në Britaninë e Madhe.

Kjo do të thotë se ata do të riatdhesohen brenda 10 ditësh nga mbërritja në Mbretërinë e Bashkuar.

Gazeta “The Times” në Londër e lidh këtë plan posaçërisht me shqiptarët. Sipas artikullit, nga rreth 40 mijë emigrantë të paligjshëm që hynë në mbretëri gjatë këtij vitit, mbi 12 mijë janë shqiptarë.

Me planin e ri, kërkesat për azil nga Shqipëria do të refuzohen automatikisht dhe deportimi do kryhet me procedurë të përshpejtuar.

Pani që njihet me emrin “Lista e Bardhë’ është diskutuar dhe disa vite më parë nga ligjvënësit britanik. Projekti ka hasur në kundërshtinë ë shoqatave për të drejtat e njeriut.

Në listën e bardhë janë shtetet e Bashkimit Europian dhe ato të Ballkanit Perendimor, si dhe India, Afrika e Jugut dhe Amerika e Jugut.

LEXONI GJITHASHTU

• Kthimi i shqiptarëve nga Anglia, kundërshtohet kryministri britanik Rishi Sunak
• Akuzat e Molliqajt: Si presidentja Osmani po kërkon komb kosovar dhe jo shqiptar
• “Shqiptarët cilësohen abuzues në Angli”, gazetari shpjegon nismën për azilkërkuesit