“Shqiptarët cilësohen abuzues në Angli”, gazetari shpjegon nismën për azilkërkuesit

Gazetari Petrit Kuçana, ka shpjeguar se çfarë parashikon ligji i ri në Britani për kthimin e azilkërkuesve.

Në një intervistë për Euronews Albania, Kuçana tha se qeveria konservatore është në ditët e saj më të këqija ndërsa shtoi se dhe kushtet e jetesës në vend janë rritur shumë.

Për këtë shkak refugjatët në Britani nuk priten mirë, sipas gazetarit.

Ky I fundit theksoi se shqiptarët në Angli po cilësohen si abuzues, pasi Shqipëria nuk është vend në luftë dhe është anëtare në NATO.

“Janë gjysmë milioni refugjatë që janë në Britani dhe kjo nuk pritet mirë, sidomos për ata që votuan Brexit, për daljen e Britanisë nga BE. Qeveria konservatore është në ditët e saj më të vështirë për shkak të presionit të madh. Janë shtrenjtuar  shumë kushtet e jetesës he ekonomia britanike nuk është në ditët e saj më të mira.

Qeveria britanike është nën presion dhe duket se kjo tentativë krijon të zbusë sadopak ose të shikojë mënyra të tjera për të zbutur situatën në të cilën ndodhet. Te kjo nismë përcaktohen abuzuesit në sistemin e emigracionit në Britani. Kjo domethënë që nëse një qytetar vjen nga një shtet që konsiderohet i sigurt, nuk mund të kalojë disa shtete të tjera dhe të vijë në Britani dhe të kërkojë azil”- shprehet ai.

LEXONI GJITHASHTU:

• ‘Më dërgojnë në gjyq’, kryekomunari i Preshevës: Serbët vëzhgojnë kur vëmë flamurin
• Abazi: Asosacioni, ‘gozhdë’ për Kosovën në rrugën drejt finalizimit të marrëveshjes